馬拉加要封“皇”

馬拉加要封“皇”

上季曾經叻到可以踢歐冠盃嘅馬拉加，今季認真失禮，西甲踢到三分之二，目前只能排尾五，與降班線嘅華拉度列只有三分之差，隨時都有降班危機。當然，主要原因球星四散，實力自然大減。但爛船都有三斤釘，部分球員仍具有一定質素，踢法上依然以細膩組織配合為主，只係踢出嚟效果問題。馬拉加整體戰力並非太差，今晚主場迎戰排第六嘅皇家蘇斯達，絕對有能力搶分。

皇蘇一向在西甲穩打穩扎，屬於前列分子之一，但今季能否爭到上前四踢下季歐冠都成問題，因相差“阿四”嘅畢爾包七分，要追實在唔易。況且球隊踢作客穩定性不足，就算今仗對住實力大倒退嘅馬拉加，勝算亦唔高。初盤平手，證明外圍對皇蘇亦欠缺信心，不妨考慮主場極需搶分嘅馬拉加可以掃“皇”。

馬拉加跟住幾場比賽關乎食粥食飯，包括艾美利亞、華拉度列及奧沙辛拿等同級對手，屬於搶分關鍵戰，所以士氣非常重要。

只要今晚趁主場殺敗對手，護級一片光明。皇蘇近期狀態一般，已經四場不勝，加上今季十二場作客只得三勝，皇蘇實在捧唔過。

推介：馬拉加1:0