曼城巴塞和味濃

曼城巴塞和味濃
歐冠盃十六強今晚正式開火，隨即上演超強勁戲碼，曼城火倂巴塞羅那，兩位南美教頭首次對陣，兩雄相遇激戰難免。兩隊雖然在歐戰首次碰頭，但之前踢過兩場友賽，曼城都能戰勝對手，心理上有些小着數；當然，友賽性質難以作準，比賽始終逐場計數，更何況係N年前嘅事，今戰勝負確要打過先知，初盤平手，似乎和波機會相當高。曼城首先做主稍為不利，至少要搶得領先優勢，否則次回合去到魯營球場肯定難踢，相信今戰會與對手對攻，球隊前線火力不用懷疑，足總盃對車路士更收起部分主力，擺到明今晚要同巴塞“死過”。曼城今季主場的確惡到出汁，只在聯賽輸過畀“車仔”，主場發揮極具信心；不過，攻還攻，亦要加強防守，因為巴塞鋒力，眾所周知實在太恐怖。巴塞在上場西甲展開大屠殺，六球重創華歴簡奴，為今戰一壯聲勢，值得一提，一眾球星都顯示出極佳狀態，特别係恩尼斯達與費比加斯兩大助攻手，係贏波最大功臣，美斯、山齊士、柏度及後備上陣的尼馬一樣“弗”到爆，人腳齊齊整整，馬天奴可以排出最強陣容挑戰柏歴連尼。推介：和波2:2