史浩克等收“斯”

史浩克等收“斯”

過去兩晩歐冠盃英超球隊均令波迷大失所望，曼城與阿仙奴齊齊在主場失利，晉級八強機會渺茫。因球證問題，曼城輸畀巴塞真係唔服；阿仙奴敗在拜仁腳下，應輸得心服口服，拜仁呢支德甲班霸的確踢出王者風範。

講開德甲，今晚有場單挑，由史浩克○四對緬恩斯。史浩克下周亦要應付歐冠大戰，對手係西甲豪門皇家馬德里，但相信今晚一戰，史浩克仍會全力爭勝，希望在聯賽可“保四爭三”。以球隊實力及近期四連勝的極佳狀態，要攞呢三分實在唔難，特別前線數糊能力，亨迪拉亞復出令火力更強勁，仲有化芬、奇雲保定及辛坦拿等具級數球員。值得一提的是二十歲德國超新星達斯拿，以其出色表現，已成為歐洲各大球會的獵物。以史浩克目前人腳，對住實力一般的緬恩斯，應實食冇黐牙。

緬恩斯在聯賽排名比上不足比下有餘，爭又冇份、降班又唔憂，戰意與爭勝心肯定不及史浩克積極。初盤史浩克讓半球／一球，主場贏盤率高達七成兼係德甲之最，今場唔捧史浩克，肯定走寶。

推介：史浩克○四3:0