熱刺必殺“迪”

熱刺必殺“迪”

熱刺上星期在歐霸盃十六強首回合作客失利，要殺入八強，今晚第二回合就非勝不可，仲要最少贏多過一球以上。從首回合勢均力敵嘅戰況所見，熱刺要翻身確有一定機會。一來，平均戰力在迪尼普之上；二來，輪到自己地頭出擊，發揮始終會較佳，加上排出最強人腳，今戰唔贏冇得贏。

烏克蘭當地目前亂過亂世佳人，連總統“奇哥”亦不知所終，但點亂都好，波照踢。迪尼普屬烏甲勁旅之一，呢兩季亦可闖入歐霸盃十六強，今季能否更上一層樓入到八強，就要睇今晚一戰。但只得一球在手，機會只得五十五十，因為熱刺攻力極具殺傷性，追一球唔難。初盤熱刺讓一球，一於捧熱刺贏波贏盤。

熱刺上仗對迪尼普收起唔少主力，包括殺手艾迪拜約、迪林比、艾歴臣及艾朗連儂等，但依然可與對手拉成均勢。今晚為要收復失地，必會強陣出擊，預料將會壓倒性取得較大優勢。

迪尼普由多名國腳級球員，再加馬菲奧斯與古利安奴兩名巴西外援支撐大局，踢法講求技術性。但撞啱熱刺快速踢法，睇怕仍會處於下風。

推介：熱刺2:0