皇蘇食為“奴”

皇蘇食為“奴”

今晚西甲有場搶分戰，由皇家蘇斯達對華歴簡奴。皇蘇今季目標相當明確，全面力爭前四位置，希望可以“冧莊”繼續踢下季歐冠。排尾二嘅華歴簡奴為要保住甲組席位，呢三分更加渴求，奈何球隊攻不銳守不穩，作客更加一無是處，對住主場惡到出汁嘅皇蘇，睇怕難有驚喜。初盤皇家蘇斯達讓一球／球半，只要皇蘇班波正正經經全力爭勝，要攞足三分，基本上屬於簡單任務。

以一支中型班嚟講，皇蘇嘅主場戰績的確值得一讚，十二戰八勝三和一負，攻入三十球只失八球，防守能力仲“堅”過主場王馬體會。早前主場殺退巴塞羅那三比一，如果話爆冷，不如話“皇蘇”係技術性擊倒對手，射門次數多過巴塞，無論進攻思路與直接威脅性都更勝一籌，只要繼續發揮水準，贏波絕對不成問題。至於今戰要贏兩球先有純利，對基斯文、卡路士韋拿及簡拿利斯組成嘅攻擊鐵三角有極大信心。

處於降班區嘅華歴簡奴非拼不可，不過睇返球隊作客劣績，以及共失五十九球嘅豆腐防線，真係醫返都嘥藥費。

推介：皇家蘇斯達3:0