大巴黎“安”寢無憂

大巴黎“安”寢無憂

病到不似人形嘅曼聯終於踢返場好波，上演絕地反擊，憑住雲佩斯“戴帽”，以三球淨勝奧林比亞高斯，成功殺入歐冠盃八強。過到初一，過唔過到十五就未知。不過，呢場勝仗應該可以暫時保住莫耶斯個飯碗。

可能係盡地一煲原因，紅魔今戰真係踢得最對辦，全場壓迫對手，不但完全發揮出應有水準，球員爭勝決心更達到頂點。如果餘下比賽可以踢出今場波七成功力，莫帥肯定有得留低，希望贏奧林比亞高斯一戰，並非回光反照。

今日介紹場法甲畀大家，當然講榜首巴黎聖日門。呢支法甲豪門要作客“低層部隊”羅連安特，雖然初盤大巴黎作客都要讓一球／球半，但由於雙方實力確有較大差距，大巴黎只要交足功課，要贏兩球或以上應該問題不大，一於捧聖日門“連”盤都贏埋。

大巴黎近況勢如破竹，近七戰全勝，包括兩場歐冠盃輕取德甲勁旅利華古遜，由伊巴謙莫域為首嘅攻擊線更銳不可當，要攻入兩球簡直“濕濕碎”。排聯賽第十二位嘅羅連安特謢級壓力唔大，但要挑戰豪門始終未夠班。

推介：巴黎聖日門3:1