利記有“堡”證

利記有“堡”證

歐冠盃八強首回合啱啱打完，除咗皇馬揸住三球比較穩陣外，其餘六隊波都有機會入四強。當然，車仔作客輸一比三，次回合翻盤確有唔少難度，但返到主場要淨勝兩球，並非全無希望。皆因車仔主場一向窮兇極惡，老摩肯定盡地一煲，睇下聖日門能否頂得住。

值得一提，曼聯終於踢場爭氣波，在奧脫福被拜仁逼和都算係咁。不過老實講句，曼聯根本處於捱打狀態，拜仁基本上控制戰局，多次攻門只係欠缺“運仔”。次回合曼聯作客肯定更加處於劣勢，除非有超水準發揮，個人認為車仔突圍機會比曼聯更大。

西甲內訌，真係鹿死誰手都未知，馬體會嘅狙擊踢法果然能夠制衡巴塞嘅地面組織，相信在四場次回合比賽中係最激烈一場。

講返今日場德甲推介，漢堡對利華古遜，排尾二嘅漢堡謢級形勢相當惡劣，場場波都要搏到盡，可惜能力問題，就算今仗有主場之利，亦難以取得優勢。利華古遜要保住第四位爭下季歐冠資格，絕對不能鬆懈。初盤利華古遜只讓平手／半球，捧硬近三次對賽全勝嘅利華古遜。推介：利華古遜1:0