愛華頓搶“仙”機

愛華頓搶“仙”機

今季表現韌力十足嘅愛華頓大有機會衝上前四，尤其今晚對阿仙奴一戰，只要擊敗對手，距離就只有一分之差。所以拖肥糖爭勝目標相當明確，以近期走勢及狀態，絕對有能力殺退兵工廠。

連續三場聯賽不勝，已跌落第四位嘅阿仙奴爭標希望轉微，雲總亦表示最重要保住阿四位置，否則下季踢唔到歐冠盃球會損失慘重，球隊自然壓力唔少。近六場作客只得一勝兩和三負，兵工廠今戰勝算實在唔高。反而愛華頓今季主場取得十一勝三和一負佳績，僅次於前三甲球隊，主場發揮特别醒神。初盤只係平手，當然揀主場愛華頓坐和望贏。

愛華頓近四戰全勝，雖然對手唔係太強，但士氣提升唔少，所謂越戰越勇，鬥志旺盛，加上球隊踢法體力化兼硬朗，必令兵工廠有所避忌。阿仙奴上仗能夠逼和曼城都算有不俗表現，不過，由於奧斯爾、韋舒亞及艾朗藍斯等主力因傷缺陣，中場創造力明顯大減，令前線威脅不足，爭勝本錢亦隨之削弱。唯一可取係對賽往績，兵工廠近十幾場未輸過畀愛華頓。但往績只供參考，今仗未必可保住不敗。

推介：愛華頓2:0