史浩克做硬阿“福”

史浩克做硬阿“福”

睇完呢兩晚嘅歐冠盃後，果然係歐洲最頂級兼最高水準比賽，“車仔”翻盤聖日門，皇馬驚險過關，甚至拜仁三十分鐘內反勝曼聯都係一額汗。至於馬體會激殺巴塞一戰，的確既緊張又刺激，去到四強對碰肯定更加精彩絕倫。到底最終王者之戰，拜仁能否“冧莊”？“老摩”又會否與皇馬再結緣？抑或繼上季德國內戰後，今季輪到西班牙內訌？不妨拭目以待。

今晚德甲有場“雙克”之戰，由史浩克○四對法蘭克福，史浩克基本上已經穩奪前四位，攞硬下季歐冠參賽資格，現今目標希望坐三望二追上多蒙特。球隊近期表現相當穩定，近七場取得四勝兩和一負，只係歐冠盃作客不敵皇馬，屬於非戰之罪。近三場主場全勝兼攻入九球，今仗對住實力一般嘅法蘭克福，只要交出水準，三分應可手到拿來。

法蘭克福目前排中游，爭踢歐戰的希望可以唔使諗，護級壓力亦唔大，踢風流波戰意有限。雖然首循環與史浩克打成平手，但近五次作客一和四負，今仗只望輸少當贏。初盤史浩克讓半球／一球，捧史浩克贏波冇疑“蘭”。推介：史浩克3：0