多蒙特讓和奪「堡」

多蒙特讓和奪「堡」

多蒙特嘅高普近年係咁俾人讚，但今季如又四大皆空，就係兩年冇冠，喺主力一年一年離開下，遲早又變成第二隊阿仙奴，所以今晚德國盃已經係多仔唯一目標，對住禾堡仍有力小勝晉級。（周二11，無綫電視翡翠台周三2:30am直播）

早前高普都講過多蒙特仲係「Sellingclub」，即係陣中球員啱價就賣，而且球會都開唔出高薪留球員，唔好以為近季戰績好，就可以一直持續落去；睇番前季多蒙特力壓拜仁取下雙冠，到上季就3個亞軍，今季歐聯8強出局，聯賽一早冇得爭，成個情況都反映多蒙特係每況越下，如果連今季最後一個錦標德國盃都唔好好把握，未來幾年要喺拜仁手中搶冠軍就更難。
事實上，多蒙特喺聯賽已帶甩第4位利華10分，聯賽4周多取兩分已肯定頭3過終點，直接攞到歐聯分組賽資格，呢場德國盃根本冇留力必要。

禾堡或全力爭歐聯資格

相對上，禾堡對德國盃都唔似志在必得，一來捧盃先要過多蒙特，決賽亦極大機會遇拜仁，講平衡歐聯資格同德國盃，似乎球會應更傾向爭前4，以佢哋依家只落後第4嘅利華1分，絕對有能力從後趕上，今場多蒙特有埋主場，縱然有可能失波，但贏波有把握，信佢哋小勝開「讓和」。