捧賓菲加趁“祖”

捧賓菲加趁“祖”

歐霸盃四強今晚展開兩場首回合大戰，西甲內訌有西維爾對華倫西亞，邊隊可以代表西班牙爭霸，兩回合之後自有分曉。葡超勁旅賓菲加先在光明球場迎戰意甲“一哥”祖雲達斯，睇落去祖記可能稍為睇高些小，但千祈唔好低估賓菲加嘅戰鬥力，尤其主場威力，絕對可以踢出加一波。初盤開出只係平手，當然揀硬賓菲加首回合報捷。

賓菲加已提前奪得葡超冠軍，可以全力向歐霸盃衝刺。球隊今季在歐冠、葡萄牙盃及聯賽盃等所有賽事，主場出戰未輸過一場，如果過到祖記呢一關，更有機會爭取四冠王，球員戰意與鬥心簡直高漲到爆。要贏波，前線一定要有足夠殺傷力，三大攻擊手卡度素、洛迪高及利馬都係恐怖分子，祖記防線不可不防。

祖記基本已可成功衛冕聯賽錦標，與賓菲加一樣，全力爭取歐霸盃。講真，意甲球會好耐都未在歐戰威過，祖記都算係意甲希望。講返祖記都係一支穩打穩紮球隊，今仗踢作客料更加保守，預料今戰雙方入球數字偏低，捧賓菲加贏波都係一球起兩球止。

推介：賓菲加1:0