羅馬讓波難得“米”

羅馬讓波難得“米”

曼聯高層終於忍無可忍，輸埋畀愛華頓之後，怒炒領隊莫耶斯。被炒原因除戰績差極之外，當然就係球會收益問題。雖然曼聯仲要蝕筆“掟煲費”，但長遠計都係長痛不如短痛。皆因莫耶斯執教球隊開始，球會的確唔見好多錢，剩係踢唔到下季歐冠，已經損失慘重。最搞嘢就係莫耶斯一走，曼聯股價隨即大升，可想而知莫帥效應仲犀利過“丁蟹”。點都好，今季已經大局已定，“魔迷”們只望期待紅魔下季可以東山再起。

今晚有場意甲都幾有睇頭，由羅馬主場迎戰AC米蘭。意甲形勢大致上已成定局，羅馬要超越祖記爭冠機會唔大，但個亞軍打風都打唔甩，戰意可能鬆懈，縱對住敵對派之一嘅AC米蘭要全力爭勝，亦未必容易擊倒對手。始終AC爛船都有三斤釘，球員班底與質素仍有一定份量，羅馬實在難言穩勝。

AC目標相當明確，就係爭取下季歐戰資格，近五戰全勝豪取十五分，處於今季最佳狀態。兩隊近兩次交手都係和氣收場，證明雙方實力屬於半斤八両。初盤羅馬讓半球／一球，揀AC米蘭可保不敗。

推介：和波2:2