紅魔“雀”宴賀傑佬

紅魔“雀”宴賀傑佬

英國球壇呢幾日最熱新聞，都離不開曼聯炮製嘅“耶斯”炒魷。其實炒莫生只係遲早問題，但估唔到“啦屎”幾場波都捱唔到，證明曼聯高層已經忍到爆。

紅魔只剩四場比賽，爭踢下季歐冠已經冇資格，至於踢唔踢得到歐霸盃，根本唔太重要，呢幾場波算係例行賽事。不過，由“大佬”傑斯接手又點會做衰個“朵”，至少班魔星都落力啲。今晚仲喺主場對住護級分子諾域治，對班“魔粉”都要有交代，實行以一場大勝來一洗頹風。除雲佩斯因傷缺陣外，傑佬可以排出最強人腳出戰，只要呢班魔星交出水準，要贏“金絲雀”完全冇困難。

排尾四嘅金絲雀四連敗後，可以話危在旦夕，降班已經亮起紅燈。最慘踢完曼聯後，仲要對車仔與阿仙奴，要搶分真係談何容易。球隊已經冇得諗，只望搶得一分得一分。惜作客戰績實在慘不忍睹，十七戰兩勝兩和十三負，只得十一球失四十球，係英超中最差一隊。進攻乏力兼防守脆弱，近兩次去到奧脫福都係慘吞四蛋而回，今戰想爆冷都難。初盤曼聯硬讓球半，推介紅魔打“雀”不手軟。

推介：曼聯三比〇