昆士柏連“根”拔

昆士柏連“根”拔

英超升班附加賽明晨繼續上演次回合，昆士柏流浪再戰韋根，首回合雙方打成○比○平手，今戰一場定勝負。

數據上，昆士柏流浪明顯佔得優勢，過往四次碰頭主場取得三勝一和不敗，九次交手中亦只係作客輸過一場，對賽往績已處於有利位置。講到今季主客成績，昆士柏廿三場聯賽主場只輸過兩場，韋根作客就有十一場失利，幾乎輸足一半；狀態方面，昆士柏近五戰三勝一和一負，韋根啱啱相反一勝一和三負。計各樣統計，韋根完全輸蝕。初盤昆士柏流浪只讓平手／半球，計落仍有着數，不妨捧班“流浪漢”可以斬草除“根”。

睇返兩隊首回合戰況，昆士柏流浪雖然作客，但形勢上並不輸蝕，無論攻門次數抑或控球指數，大家相差無幾；今戰返到主場，相信會更加積極採取主攻。上仗後備上陣嘅卡蘭積卡與奇雲杜利將會復任正選，加強中前場威脅，加上近期腳風超順的柯士甸，昆士柏有望一撃即中，九十分鐘內解決對手。

一場過定勝負，對韋根嚟講應該有些少心得，話晒踢足總盃都交到好成績。但講到經驗，由老列納帶隊嘅昆士柏，始終較有信心。

推介：昆士柏流浪2:1