雙“馬”會難分高下

 
雙“馬”會難分高下

由於明晨將上演歐洲王者終極戰，世界盃分組形勢分析今日就暫時讓路。今季歐冠決戰歷史性由兩支同國同市球會爭霸，馬德里市認真威到盡，到底係皇馬抑或馬體會，邊隊會威上加威？大家確要拭目以待。

決賽一場過，勝負取決於多種因素，最重要係球員臨場表現。

論個人技術質素，皇馬無疑較為優勝，C朗、巴利、摩特歷及迪馬利亞等，都係超級好波之人，發揮好壞將直接影響成敗。但講到整體對抗、拼搏、鬥志及場上越戰越勇心態，馬體會肯定較強。況且爭勝壓力亦在皇馬一方，就算一衆球星身經百戰，你話一啲壓力都冇就假。初盤皇家馬德里讓半球，受讓嘅馬德里體育會值得考慮。齋睇聯賽激鬥巴塞一戰，球員上下一心，衆志成城嘅鬥心，已經值得捧場，至少法定時間九十分鐘內必令皇馬陷於苦戰。

雙方都有重心球員缺陣，馬體會有迪亞高哥斯達與杜蘭有傷，上陣機會唔大，影響的確唔少。皇馬同樣有C朗、賓森馬及柏比踢唔踢得都話未知，艾朗素肯定停賽。雙方戰力各有所損，拼勁可能成為勝負關鍵。

推介：和波1:1