愛爾蘭有力剝“牙”打埋明早最後一場熱身賽,各隊開始靜心修養,期待決賽周正式展開,今場“包尾殺”由葡萄牙對愛爾蘭,首先提提大家,葡萄牙分組賽第一場硬仗,就要火併德國,今仗留力根本事在必行,如無意外主帥賓度將
愛爾蘭有力剝“牙”
打埋明早最後一場熱身賽,各隊開始靜心修養,期待決賽周正式展開,今場“包尾殺”由葡萄牙對愛爾蘭,首先提提大家,葡萄牙分組賽第一場硬仗,就要火併德國,今仗留力根本事在必行,如無意外主帥賓度將會收起大部分主力,全力備戰對德國呢場關鍵大戰。由副選上陣嘅葡萄牙,對住體力化兼爛打見稱嘅愛爾蘭,毫無勝算。
愛爾蘭在歐洲嚟講只屬二、三線,不過無論任何賽事,球隊作風一向都係認真拼搏,絕不欺場,而且今次友賽名單皆以最強人腳出戰,相信對葡軍造成一定威脅,初盤葡萄牙讓半球,受讓嘅愛爾蘭值得捧場。
C朗目前傷勢像霧又像花,就算已經可以踢得,賓度肯定亦唔會冒險。冇咗C朗,葡萄牙嘅進攻點實在弱得可憐,之前對希臘真正威脅射門唔多,一隻手可以數得出,上場贏墨西哥亦只靠後防嘅艾華斯完場前建功,前線根本毫無贏波本錢。
愛爾蘭陣中有唔少熟口熟面英超球員,包括奇雲杜利、麥基迪、韋倫、朗治及威爾遜等,當然唔少得老大哥羅比堅尼。對住副選嘅葡軍,愛爾蘭絕對有得砌。
推介:愛爾蘭1:0