德軍“納”硬三分

德軍“納”硬三分

“蘇神”歸位，誰與爭鋒。烏拉圭憑蘇亞雷斯復出兼梅開二度，在生死戰殺敗屬搵食之地嘅英格蘭，成為球隊救世主。賽後一衆隊友齊齊捧起“蘇神”，連老大哥科蘭都要俯首稱臣，“蘇哥”你係得嘅。英軍輸波亦無話可説，但輸都要讚，因為除踢出應有水準外，全隊都表現出無比鬥心，並冇放棄過任何一分一秒，就算出局，球隊值得尊重。

上仗四球大炒葡萄牙，德國盡顯冠軍相，明晨第二場分組賽對住“黑星”加納，德軍只要繼續發揮水準，如無意外可以贏完再贏。

非洲波，麻煩多多，唔係為錢就係打茅波，希望加納唔好學喀麥隆。加納班波其實唔算太差，陣中亦有多名在歐洲搵食球星，包括艾辛、蒙達利、奇雲保定及阿休兄弟等。不過三線人腳實在太參差，特别後防欠缺一名領軍大將，要挑戰強勢嘅德軍，應該未夠班。

德國首仗打到葡萄牙冇聲出，球隊表現出整體效率，無論組織滲透或快速攔截，都做到攻守均衡，西班牙真係要學嘢，再加上個人質素，實力肯定在加納之上。初盤德國硬讓球半，照捧德軍贏波又贏盤。

推介：德國3：0