曼聯作客要上“韋”

曼聯作客要上“韋”

好耐未贏過波的韋根上場終於“止血”，作客大勝一蹶不振的維拉三蛋，奪得寶貴三分，積分榜升上十六位，但距離降班線只有一分之差，護級之路依然艱苦；今晚對住一哥曼聯，要乘勝追擊實在相當困難，只望加強防守博和保住一分已完成任務。費爵爺剛度過七十一歲大壽，一班“魔星”送上最佳賀禮當然係贏波，首循環對住韋根大炒四球，兩隊實力有較大差距，就算踢作客，曼聯仍然勝算十足。初盤曼聯讓一球/球半，捧紅魔鬼可以連“根”拔起。

韋根對維拉一戰有卡特維與拉美斯傷癒復出，進攻與防守力度有所加強，基本陣容較為完整，不過維拉實在弱不禁風，今晚對住班霸曼聯，韋根肯定陷於苦戰，至少防守要做足工夫，先要保住不失，但曼聯攻力實在太驚人，要力保大門實在不易。有韋迪與香川真司復出，對西布朗可以輪換上陣，可見曼聯人腳更充足，即使朗尼有傷在身，仍有大勇的雲佩斯與“小豆”J靴南迪斯，前線威力影響不大，今仗夠殺有餘。

推介：曼聯勝2:0