華拉倫加讓客超「卓」

華拉倫加讓客超「卓」 

挪超今晚上演前列大戰，二哥史卓加斯特啱啱喺歐聯外圍賽失利，以佢哋能力之前聯賽分別小勝辛尼斯同白蘭恩似乎火力有下滑跡象，要讓波唔值。華拉倫加係近期挪超最難擊敗球隊，歇暑後佢哋接連對住兩支前列隊伍奧特足球會同洛辛堡，結果兩場都可以攞一分走，證明唔係一支容易應付嘅球隊，加埋陣容上佢哋冇乜傷兵，主力殺手卡查坦臣可以侯命，受讓下可以做膽。（周六13，香港時間周日12:00am開賽）
早場史達會對波杜基林特。前者接連大勝利尼史特朗同作客贏辛尼斯；相反波杜基林特對薩普斯堡同奧特足球會輸晒失5球，史達發揮正常該可再贏。（周六10，香港時間周六9:30pm開賽）