皇馬盃賽搏殺格
西班牙盃今晚上演八強首回合，皇家馬德里火倂華倫西亞。聯賽被巴塞抛離十八分，皇馬要衛冕冠軍真係諗都唔使諗，所以歐冠盃及西班牙盃係“老摩”重點目標。今晚先打主場必定爭取優勢，肯定絕不留手，除拉莫斯停賽外，可以排出最強人腳，殺對手片甲不留。
華倫西亞近況回勇，各項賽事取得四連勝，不過四場對手實力都係二三流分子，對賽往績又完全輸蝕，近十次對皇馬一勝兩和七負，今晚一戰實難逃一敗。初盤皇家馬德里讓球半，推介皇馬贏波贏盤。
聯賽首循環雙方打成一比一，戰果並未反映兩隊是勢均力敵，因為皇馬全場佔盡優勢，射門達廿四次九中目標，贏多贏少只係把握差。皇馬主場一向極有保證，單計入球比率平均每場超過三球，今仗要贏兩球唔難。華倫西亞在聯賽無憂無求，西班牙盃係最大目標，今晚作客應會以守為主，盡量減低失球數字，希望返到主場發圍。可惜作客成績差，聯賽兩勝兩和五負，要逃出貝拿堡球場相信有困難。
推介：皇家馬德里勝3:1
