贵州银弹未能打动林柏特加盟
中超球会贵州人和斟介车路士中场林柏特失败，英国《太阳报》指贵州为左吸引林柏特来投，不惜送上周薪达25万镑嘅2年合约，为表诚意，球会主席更直接飞去伦敦游说。不过呢位老将至今仍未答允转会，贵州最后决定放弃斟介。
阿古路跳舞甫士最抢
着老西影型仔相
咪睇阿古路成个波牛咁款，查实佢着老西跳舞都不知几型！呢位阿根廷球星最近联同拿斯尼、查维加西亚同耶耶托尼等曼城队友，齐齐着起Hugo Boss嘅型衫帮《君子杂志》影左辑相，拍摄当日，阿古路猛咁跳舞，又扮打拳、又扭箩柚，全程自动波「转甫」，睇嚟佢挂靴后可以转行做Model喎！
赫特倾花生经不忘擦鞋
至于一向走实力派路线嘅耶耶托尼，影相嗰阵成碌木咁企喺度，冇扣领口钮嘅型男查维加西亚，就散发出浓厚嘅麻甩味，貌似尹光嘅拿斯尼，着起西装上嚟又好似「着龙袍唔似太子」咁，讲到尾，咪又系阿古路最抢萝！
查实曼城众星当中，赫特先系时尚达人，虽然呢位门神冇份帮Hugo Boss影硬照，但佢寻日就向英国《每日邮报》大谈「花生经」，仲乘机擦文仙尼鞋：「萨巴列达品味最差，因为佢啲衫系免费，人的畀乜佢就着乜！文仙尼虽然一把年纪，但着衫好有Style，成隻银狐咁，型！」
