Yennie：紅魔霸權 玩殘聖人

3線齊腳尹帥要報私仇
一個月前，曼聯喺聯賽擊敗修咸頓，取代對方穩坐「三哥」位，一個月後嘅今晚，兩軍再次交鋒，唔經唔覺，曼聯連續11場比賽不敗，雖然修咸頓都唔弱，不過「紅魔」主場威力似足地方霸權，今季10戰僅輸1仗，相信佢哋今晚可以喺奧脫福輕取對手，延續不敗走勢，一於熱捧1.68倍曼聯主勝啦！

曼聯近排喜事接二連三，連續11場波未輸過唔在講，最重要係「紅魔」穩坐積分榜第3位之後，傷兵情況亦大大改善，左閘勞基梳爾喺英格蘭足總盃第3圈對伊奧維嗰陣雖然受傷，但好彩傷勢已經無乜大礙，今晚好大機會傷愈復出倒戈；同時，前巴塞隆拿門神域陀華迪斯又啱啱簽字加盟曼聯，尹戈爾都話，有佢向迪基亞施壓，「基神」狀態肯定再升呢，防守力唔講得笑！

防線有保證，鋒線班巨星都唔執輸，隊長朗尼日前力壓韋碧克同史達寧，成為2014年度最佳英格蘭國腳，法卡奧亦回復番佢以前喺馬體會嗰陣嘅水準，拍住尹佩斯衝鋒陷陣，火力齋聽個名都嚇死人，難怪領隊尹戈爾咁大口氣，話要帶領曼聯成為世界最強，重奪英超霸權啦！大家要留意尹戈爾同對家主帥、前愛徒朗奴高文不嬲有牙齒印，以尹帥咁要面嘅性格，肯定會諗好計仔砌低徒弟啦！

修咸頓大將 沙迪奧文尼打柴
另邊廂，修咸頓近排表現雖然無季初咁Sharp醒，但亦先後令倫敦兩大勁旅車路士同阿仙奴失分，實力真係幾勁，但可惜連續3場聯賽都有「士哥」嘅沙迪奧文尼中咗招，今晚會養傷缺陣，鋒力大減。咪忘記上個月「聖人」當弗嗰陣，喺主場都要以1:2向曼聯俯首稱臣，今晚掉番轉造訪奧脫福，怕且冇咩本錢反彈復仇，撐曼聯主勝定過抬油！

Data King：修咸頓客戰旺「半細」
?尹佩斯近7次鬥修咸頓入7球。

?曼聯近11戰成績為8勝3和。

?修咸頓今季9次作客有8場開「半場細」。