“槍手”射爆水晶宮

槍手”射爆水晶宮

年初一有睇隔籬埠賀歲波，雖然唔算名牌球會，但兩場波都打得算精彩，睇完之後諗起本地已經N年冇搞過賀歲波，感到實在失禮。以澳門今時今日環境，相信要搞應該唔會太難，記得波總舊年開記招時講過，今季將會邀請外隊來澳打表演賽，希望波總言出必行，唔好令本地球迷失望。

講返今日推介，阿仙奴上場被修咸頓迫和，唔見兩分兼畀曼城搶走一哥之位，今晚返到酋長球場對住下游分子水晶宮，誓必全取三分奪回榜首位置。

排第十四位嘅水晶宮暫時只多降班線球隊四分，依然要為護級而努力，但要喺兵工廠身上搶分，絕對係一件相當困難任務，對上一次作客兵工廠慘敗一比五，今仗期望實在唔大，只望輸少當贏，初盤阿仙奴讓球半/兩球，以兵工廠主場威力，應可打到落花流“水”。

被修咸頓迫和未能取得八連勝，阿仙奴真係冇得好講，但球員整體狀態仍然發揮得非常穩定，進攻踢法依然極具侵略性，水晶宮防守力有限，兵工廠要數兩三球唔難。齋睇水晶宮只贏兩場，輸九場作客劣績，大敗一場不足為奇。

推介：阿仙奴4：0